الأوله آه.. و التانية آه.. و التالتة آه

  كلمات

 الشاعرالغنائى طه علي الدين

الأوله آه

و الآهة بتاعتى من جوة

و التانية آه

يتيمة لا حول و لا قوة

و التالتة آه

زماننا بجد مش هو

…

الأولة آه من جوة فى المصارين

و التانية آه القوة حيلها حزين

و التالتة آه زمان بيوجع فى اللى بنى آدمين

…

الأولة آه جوه الحشى محموم

و التانية آه حزين القلب رافض يدوق النوم

و التالته آه لو يصفى زمانى فى يوم

انا كنت اقيم الفرح و اطعم المحروم

و اقيد شموع الفرح ما تنطفيش على طول

و اي قلب إنجرح إديه فرح بالكوم

يا ميت خسارة ع الجدع لما تغلبه الأيام

لو جفنه نام يتفزع و يبص ساعته كام

ساقية و لازم تدور و لكل واحد دور

و اللى عليه الدور يخلع منها بسلام

كلمات

الشاعرالغنائى طه علي الدين