الشاعر جهاد موسى يكتب:يامرشرشة بالورد ياأمي
* يا مرشرشة بالورد *
يا امي
الشاعرجهاد موسى
يا مرشرشة بالورد يا إمي
يا حنونة ويا شايلة همّي
ما شبعت منك أنا وزغير
احضنيني كل العمر يَمّي …
يَمّي باعت إلك مرسال
ع جناح طير بيعشق النسمة
حتى يقلك كلمتين زغار
إنك يا إمي عايشة بدمي …
الدنيي يا إمي بتفرّق الاحباب
وإنت بإيديك ، الكل بتلمي
قلبك بعطر العاطفة مجبول
وعلى شفافك يتجوهر الكلمة …
يبكي يا إمي الكون ما بيهم
دمعة عيونك وحدها مهمّة
يَمّي بدعيلك بطول العمر
تبقي بنفس العزم والهمّة …
تا ضل إغفى بين إيديك
شمشم حبق من عطرك الفواح
وإسكر أنا من العطر والضمة …
الاديب جهاد موسى
