كلمات الشاعر … رضاعبدالحميدحسن
سنه بتيجي وسنه بتــــروح
وانا لسه ف نفس الجـــروح
والآلام ديما بتقولـــــــــــــي
انا معاك مطـــــــرح ماتروح
***
مش عايز اقول اشمعنا انـــا
ياما فيه كتيــر زي انـــــــــــا
الحزن نســـــــانا الغنـــــــــــا
والفرح ليناماهوش مسموح
سنه بتيجي وسنه بتــــروح
***
وكل ماباشـــــــــــوف الأيام
باكرهـ ابص ف يوم قــــدام
واليأس نسـاني الأحــــــلام
كأني جسم ومــــن غيرروح
سنه بتيجي وسنه بتــــروح
***
الشعر شاب قبل المعــــــــاد
وشمسي ضاعت في السـواد
والدنيا بتزيـــــــد في العناد
ومن القســــــاوه فين اروح
سنه بتيجي وسنه بتــــروح
***
ياعمر عدي وفووووت بينـا
م الغلب احنا اتهدينــــــــــــا
الدنيا أصـــــــــــلها مش لينا
وباب الأمل لينامش مفتـوح
سنه بتيجي وسنه بتـــروح
وانا لسه ف نفس الجـــروح
والآلام ديمـــــــــــــــا تقولي
انا معـــــــاك مطرح ماتروح
Discussion about this post