كراكيب دماغي …

كلمات الشاعر …طاهر الصوفانى
..
من قلبى العاشق كدابه
فاتح بابه
ورا كل صباح
لرياح من ريحة أحبابه
من مسك وعود
ووعود بكآبة كما العاده
حدا أرق النوم
وملام لو دام كان بيطمن
بقى كدب مزوق ومأمن
من شر القوم
تتمعشق ولاعدت تزورنا؟؟
وحليلك كدب فى زيف غيرنا
ومادم الحلو رفض خيرنا
خليه ع العوم
خليه في الوهم ولون ريشه
وعيون بتشاركه ف يوم طيشه
وان طيرت عليت ووقعت كسور
وضلامك رد لخاطري بنور
افتكر ان الهجر بخاطرك
افتكر اللي كسرته وجبرك
وترجع للقلب عذابه
ووعود كدابة لأول يوم
؟؟؟؟؟