قوم يا بويا
للشاعر والإعلامي عاطف عبد الحميد
…….
قوم يا بويا الابله قالت
بكره هات لى ولى امرك
و السنين المره طالت
يمضى مين ف الصفحه سطرك؟
أمى قالت ابوك مسافر
بكره ح يجيب لك هدايا
بكره تاه و ما عادش فاكر
مش كفايه يابه سفرك؟
……
ألف حاجه مش لاقيها
حتى مصروف المدارس
لما تبقى نفسى فيها
و الضمير على ايدى حارس
كنت هات لى هدوم جديده
و لا شنطه تشيل حاجاتى
أمى من بعدك وحيده
و الربيع مايجيش ف مارس
……
كل واحد من صحابى
جايبه أبوه الصبح ف ايده
أما انا ناقص كتابى
حتى واجبى نسيت اعيده
و الدروس ما بيشرحوها
إلا ف الحصه الخصوصى
أما اللى يموت ابوها
الدموع ما ف يوم تفيده
….
الشاعر والإعلامي عاطف عبد الحميد
Discussion about this post