نزوح الروح …
نزوح الروح !
كلمات المستشار د محمد زكريا محمد زكريا
روحي تشتهيك يوماتي وأصوات المدافع والنزوح
مرقت مشت لديار السلام خلتني مع الجروح
الروح والقلب والجسد مشغول بعطورك البتفوح
يوماتي وأصوات أطفال المدارس اختفت في النزوح،
عاوز اقول فترت من التعب لكن الروح
ابت تطلع من الهلاك والصواريخ تلوح
في فضاء أم درمان مرقت أبيت أبوح
نزحت من البلد مشيت فيافي وانوح
لقيت سراب الصحراء موية في الفلاح
في وادي هور شفت الغزال بيغني مرتاح
يقتل التقول في الدنيا مافي حرب و جراح
اتارهه اتعود للشقه وطولت العمر والصياح
يقوم أصوات الصواقع من الفجرية والصباح
شايل هم المغيرب والجرح بنتح نتاح
رقمي الألم مرات بتشوف الجميل بانشراح
بتنسي شوية شقاوه النزوح والبارود والنواح
وصلت بلاد الغربة لقيت الحزن رشاح
ما لقيت طعم الغني والقصيدة والافراح
ما لقيت وتر الملحن الابس وسام وشاح
ما لقيت زغرود ميرم وأطفال المدارس والنجاح
جيت راجع يا بلد الجدود حضنك بنوح
أعيش في المحن شايل كفن مات الشجن
جعان شبعان عطشان بكون في حضنك وطن
انت الملاز جواي كتير من الغبن
بموت هسي أو بعدين القبر في أقرب ركن
هي اتملت من زمان بالشهداء والكاكي كفن
ماتت الابتسامة بتطلع أنين فارقة زمن
حتي زهور الياسمين والبنفسج عايشه محن ،
وجروح الروح يا بنيه زهجانه بتفتش للحنان،
عيش الأمل مع العصافير كن إنسان،
ماتكون وسخ خمجان فتش للفرح والأمان،
كل القرف والوسخ طلع أنسي الهيجان،
تعال نتقابل في النيل والمنتدى ياشاعر زهجان،
بتلاقي كل الأصحاب والأحباب الكانه زمان ،
نغني قصيدة بلحن جديد هنا أم درمان،
محمد وار
