كَحَّل عيونك تَرَىٰ …
كلمات الشاعر
حسن الهمدان
كَحَّل عيونك تَرَىٰ …
.
يا طييييير
طاير بلا سلوى
برج الحمام اتباع
بالكيلو و الشروة
مش قلتلك طاطى و تبقىٰ الحياة حلوة.
فَرخِ الولد عطشان ممنوع من المية
أما الأفاعي يمام و بنوا لها بِنِّيَّة
و الشعر أصبح نفاق للكل و تحيَّة
و مازلت إنت الغشيم يا طربش يا بلوة .
قالوا النفاق مَرجَحَة
أنا قلت مَرجَحنى
يمكن تكون مصلحة و تروق و تصلحنى
و سهرت أقول للقلم اكتب و صالحنى
لا عرفت أكتب قصيد يعلىٰ يريحنى
و لا كنت يوم عنترة و لا عمرو أو عُروة
قال عنها عمك نجيب تعبت من الفَكَّة
لما الجيوب خِلِيِت جِرِيِت على السِكَّة
شافت أمورك عنب ….
معكوكة ميت عكَّة
خايف من ايه يا جدع …
هتصيبك الحكة ؟!
فى ايديها يا ابنى تتوه متاخدش ولا غلوة
يا صقر طاير فى السما خليك
دى الدنيا حلوة و يمكن مغرمة بعنيك
متاخدش منها أمان ..
نداهة راح تناديك
لو قلت يا ابن الكرام إن الهوى ب اديك
كَحَّل عيونك تَرىٰ
دى الفقر مش ثروة
كلمات الشاعر
حسن الهمدان
