حبيتك…للشاعـرة الأديبة المصرية / سوسن حامد
قصيدة للشاعـرة الأديبة المصرية / سوسن حامد سليمان
بعنوان ( حبيتك) من ديوانى الرابع بعنوان ( حب سينا )
حبيتك
حبيتك آه
ومنعت نفسي عنك
وعشقت الآه
دي كانت خارجه منك
ولا يوم طمنتني إنك
حاضن الأمل
دا حته منك
وصبرت سنين
علي هجرك
ولا يهمك
ما قولت لي
كنت أبوك
وأمك
بان الخداع
بسهم طار منك
قطع شرايين الود
وسال دمك
وأنا أبكي
وأنا أصرخ
وأشيل عنك
وإنت فين
ما كل دا منك
وإنت ايه
عايش غصب عنك
ما قررت يوم إني ليك
وإني بيك
ولا استغني عنك
حبيتك آه
حبيتك آه
ومنعت نفسي عنك
وقلت أجاريك
وأشوف
رد الفعل منك
لقيتك موش عند حسن
ظني
وكل ثانيه بتمر
بتــإلمني
أصلك نسيت إنك مني
وكل يوم بتقتلني
ياناسي حب كان غالي
يا أحلي قدر
مقدر عالي
فرشت لك قلوعي
وموالي
وقلت لي راجع
وعلي بالي
قطع الأمل بنا السكك
موش طايله إيدي تمسكك
راجع بواحده تملكك
مسنود عليها في دنيتك
ونسيت دي هي ذلتك
مقدرش أجاري خدعتك
حبيتك آه
ومنعت نفسي عنك
وعشقت الآه
دى كانت خارجه منك
حبيتك
قصيدة للشاعرة الأديبة المصرية / سوسن حامد سليمان
(حبيتك) قصيدة من ديوانى الرابع بعنوان (حُب سينا )
Discussion about this post