أنا صوت مخنوق

من جواه محبوس

عايش ملهوف

من زمن الخوف

انا بذرة اتزرعت

فى الأرض البور

تطرح من غير

ما تجيب الم

ألم المخاليق

كله جمعته

والضهر  المحنى

في صبح وليل

بدل عسلك

سقيانى المر

و الضنا م الأول

كان لى رفيق

هدفعلك من عمرى

الباقى

تمن الحنيه

ماهو كل آهات

وليها معنى

هنجيبه منين

واحد يفهم

وجع الملايين  ويا وجعنا ؟

ورميت النفس فى

وسط الموج

انا قولت هعوم

عشمان فى الضى

وفى قلب بينبض

ويردد ويقول أنا حى

وف ليل بيروح

شايل حزنه

و حكاوى الناس المجروحه

ونهار بيشاور ويهلل

ويقول انا جاى

عشمان فى البسمه

انها تكبر

تصبح ضحكه

ملهاش ولا زى

ولقيتنى بغرق

يوم عن يوم

مش عارف

من تانى أعود

يادروب تعبت من قوله آااااه

عشمان فى الجاى

يرمم فيا الروح

ويفرح قلبي

اللى بات ينده

واللحن حزين

الحن طليس