بقلم … حليم محمود أبوالعيلة
صالحت نفسي
عملت قلبي بؤجة
ورصيت جواه الهموم
مخنوق بتنفس آهات
وصدري كمان مذموم
عشقت وعشقي خايب
والسما محوطاني غيوم
أفرح أخاف م الحسد
بداري شمعتي وكتوم
أشوف أخباري ع الفيس
مدونة يوم بيوم
العين رصداني زي الردار
وكل اللي ف حياتي بُوم
باصين لحالتي وحياتي
وقلبي أسير مكلوم
رميت حمولي على الله
عَبد ومصيري محتوم
أفعالي مدونه ف سكوك
ومطنش الظالم وله يوم
أستنىٰ أيامي اللي جاية
وبكره مش معلوم
صالحت نفسي على نفسي
ودعيت إله قيوم
بقلم … حليم محمود أبوالعيلة
مصر
