بقلم … الحن طليس
يجوز ممكن …
يجوز ممكن
أكون عايش
وبرسم ضحكة كدابة
قُصاد الناس
لكن أنا ياما خبتنى
بكيت بينى وبين نفسى
من غدر الزمان والناس
وأنام الدمع غرقنى
وقلبى م الجراح ينزف
دموعى كتير وبتخونى
وهاينه ع القريب منى
ومش عارف لفين ولمين
أعالج فى الهموم للكل
وأنا همى لمين أرميه
ويا خساره على فرحى
ويا خساره على ضحكى
يا مين ياخدنى من تانى
يرجعنى لدنيا كلها مساعيد
ما فيش جوايا غير وجعى
وليلى طويل وجرح المرتجع نازف
وحايرة الدمعه على خدى
ومش عارفة تحط لفين
سراب
مخنوق على ضبابى
و مات الفرح وأنا راضى
بأحوالى وبالمكتوب وعايش
والحياه قاسيه
سنين العمر أهى فاتت
وحالفه تبكى ف عينيا
دفنت فى قلبى أحزاني
وقفت لوحدى فى المعزا
وقلت عزاه
وأقول يارب يا جابر كسرى
تجازينى على صبرى
و ترزقنى بحد جميل
بناس حلوين بدل غيرهم
وأنا قلبى اللى كان طاير
كسروا جناحه كام مره
وجاى يغدر ويمشى كمان
خلاص قلناها مش هنعيد
قفلنا باب الطيابه
و رمينا مفتاحه
بقلم … الحن طليس
Discussion about this post