فى ناس فى الشدة مشلتناش
و ناس اخدت ولابتديلش
غشتنا الوشوش ياما
وشربنا المرار فى كاسات
هقولك إيه
يدوم النقص عـ الناقص
فاوعى يزعلك نقصه
يروح وبلاها منه كمان
أذونا وبالكلام جرحوا
وداروا الضهر وناسونا
ملايكه كنا بنشوفهم
وطلعوا خوانين بالكوم
بجاحه قول ميتكسفوش
ولا عرفوا الرجوله فـ يوم
قانونهم بس هات ورا هات
لانصفوا فـ يوم مظلوم
ولا حنوا على الغلبان
عملتهم كلام رسمى
قناة اللف والحوارات
دهنين العسل فـ لسان
وياما قبلنا داقوا
طلع بالسم متغمس
واهو كله على دا الحال
ومهما يلبسوا فى وشوش
زايله أكيد ما دايماشى
عجبت لك يازمان والله
الوش بقى مكشوف
وكل رخيص بقى بتمان
وندل القوم أهو ماشى
و مش مكسوف
و ناس يكرهولك خير
يزعلهم اوى لو جاك
صدقنى ولو فيك ايه
متقولش لحد عليه
كلام الناس مالوش لازمه
وعمره فى يوم ما يجى بخير
وطول مابتدى وبياخدوا
يقولوا عليك دا شهم أصيل
ياريت تبدا تشوف نفسك
وتحسب مين بيستاهلك
ومين هتشيله مـ التفكير
دا مهما الوقت لف ودار
هنفضل عمرنا الـ كبار
ربونا اهالينا على الاكرام
وحسن النيه ومسامحه
والخوف من الرحمن
لا بنخبى ولا ندارى
ولا لينا فى اللف إن كان
أو الدوران
#الحن_طليس
Discussion about this post