لاعب بلا ملعب …

بقلم الشاعر والكاتب … عباس ابو عادل

لاعب بلا ملعب …

اللعب اللعب

يا طبيعة التحتويك

ويا عقـل يـوزنها طبـاعـك

اللعب اللعب

وانكر الّي مشتريك

واشتري أوهـام الي باعـك

اللعب اللعب

يـاااا شتِــل 

طوشات سبخه

وآنه روجي 

للضفـاف .. بگيظ طـاعـك

أنه دجلة 

بزوده خنياب 

اليطـرّ دِهلـه .. بـ متن عـالـــــي

يفيض زمزم

نبع صافي بكل دلال

يضهضه بگيعان ربعه ولا يبالي

أنه فانوس الاماني

وحلم . مرجوحة صباك

اليملي .. البسمـة بـ شفـاهـك

لو خطف صدفة ظلالي من گفاك

اللعب اللعب ….

اللعب وخلها اتمرجح

روحـك ابلايـه سـراط

واذرف دموعك سنـابل 

بيهـا قداحـك .. تهورش

والثمر . بـ هروشه شـاط

االـدنيـااا قانـون وضريبـة 

وحتى ملعبها مؤكّد بالخطر

المنزل البيها معاليـم وقيـاس

ومنزلك منها .. تهـدم وانشطـر.

بقلم الشاعر والكاتب … عباس ابو عادل

. العــ🇮🇶ــراق