اغلي نعمة

( اغلىَ نعمة 🤩 )

كنت روح محتاجة روح
وردة عايشة ف وسط نار
نفسي افوت الكون واروح
بس ماملُكش القرار

كل لحظة اتمنىَ موت
قلبى مـلّ الانتظار
ياما عانى من الجروح
عاش رهين الاحتضار

فجاءة شوفتك م بعيد
جاي ومادد الف ايد
لجل تحي القلب تانى
لجل توهبنى الحياه

قلبى صار مولود جديد
حس فرحة واحلي عيد
حس كل الدنيا حلوة
وان حضنك طوق نجاه

ياللي صعب البُعد عنك
ربى مايحرمنى منك
ياحبيب القلب دنت
اغلي نعمه من الإله

كلمات الشاعرة
حنان الجوهرى

Hanan El Gohary