كلمات الشاعرة

 آمال فرحات

صباح الجمال والندى 

على قلب شال الهموم 

ورغم انه قلبة بينزق 

رافض يبين يوم 

راسم ضحكة جميلة 

وعيونه خايفة وحزينة 

والضحكة رغم البروز 

واضحة لكن حزينة 

مكسور لكن بيضحك 

نفسه يكون مجبور 

والجبر حلم الغلابة 

والحلم بقا كاسراب

وقع من حضن اليتامى 

دمعت عيون امي 

ازاي دا خير امي 

وانا عايشة فيها بقهر 

لا شغل بيكفي 

ولا حاجة تسند ضهر 

حلم الغلابة ان وجب 

يناموا مين غير عشا 

وان حلمي ليه بردان 

رافض يدوق الدفا 

انا عايز أهجر امي 

أيواااااا 

أنا عايز أهجر أمي 

وياريتها متمسكة 

حضنت ولاد الكل 

وولادها بترمي 

وساقتنا كاس المر 

وشربنا بتأني 

لما انت مش حبانا 

لي حببتنا فيكي 

نباتها من غير عشا 

ونقول بتعشقنا

يكفي بتحضنا 

في الحزن تجبرنا 

وأتاري أنا بدون غطا 

في البرد متعري 

يابلد الاعيان والحلم متغمي 

أنا نفسي فيكي أعيش 

في الحلم متهني 

متسيبي حلمي يعيش 

يكبر وميسبنيش 

وأنا ليكي بردوا هعيش 

وهغتني بمالك 

منا كنت يوم حارس 

من وسط حراسك 

وعشت فدا قلبك 

ولا يوم نسيت ناسك 

ارجوكي يوم ترحمي 

دمعي واحزاني 

ارجوكي يوم ترأفي 

بقلب بيعاني 

ازاي بقيت غريب 

وانا جاي من بطنك 

والغرب بقوا احباب 

وبينهشوا خيرك 

وازاي يا امي بقا 

كارهنا وحبينك 

صباح الجمال والندى 

على قلب بيعينك 

ويارب تبقي مصدقة 

انك كدا طيبة 

والصح من ايدك 

كلمات الشاعرة

 آمال فرحات