مكسور يا خاطري

……………………..

كلمات الشاعرة 

هيومة حمزة

باكينام حمزه

كنت فاكرة أني غالية وقلبى فارق عندهم ،،

وإني هَلقى حُب صادِق

زي حبي لقلبهم.

خاطري مكسُور مِنهم

ونَبضى مِتجرح حَزين ،،

ياااطيبين….

ماتقولوا مِين ..!!

حَرض قلوبكم ع البعاد ؟

أنا كنت نبع الحب ليكم

وأنتوا كنتوا لقلبي زاد ..

كُنتوا المَواني والبلاد

وكُنت أقرب مـ الوَريد

طب ممكن أعرف ..ليه

صبح للهَجر عيد ..؟

أنا كنُت فاكرة إن إستحالة

فـ يوم أهون ..

وكُنت فاكرة حاجات كتير

أبسطها خالص هَلقى شَط ،،

وأشوف معاكم لون مُحدد ، مش رَمادي بألف خَط ..

قلبي اللي كان ليكم ونيس

فاجأة بعتوه ليه رخِيص ..

ها أشبِك فـ أطراف الحدِيث

صَاحبي اللي كنت فاكرة قلبُه ليا ضِلة ،،

صَاحبي اللي عُمري ماكُنت أصَدق

إن هلقى فـ رُوحه عِلة ..

قَطًع وصال كان يوم ما بينا

ده انا عُمرى ماإستخدمِت ودي وقولت أمَشًِى بيه مصَالحي ..

بعدكم لا مش (جايز) في صالحي!!

عمر قلبي ماخان في يوم عِيشكم وملحه ،،

رمشي كان بيداري دمعُه فـ ضحكتُه

ويبان بفرحه ..

ليه نسيتوا العهد بنا وليه تكونوا جرح خام ؟

ليه سُيوفكم داخله خارجة فـ ضهر قلبي بإنتقام ؟

خاطري مكسور مش كلام

ومش قادرة أعاتبكم وألوم ،،

يمكن عشان بحبكم ..

ده الحب عمره ماكان مذله

صعبان عليا أرد قلبي وأمشي وأقفل بابه يوم ..

كتروا علي قلبى الهموم ،

و الخصوم .!!

وبشكل عام ..

أنا خاطري مكسُور بس لسه

قادرة أرسم الإبتسام .. !!

كلمات الشاعرة

هيومة حمزة

باكينام حمزه