هاجر بره مصر ومش راجع تاني”..
“هاجر بره مصر ومش راجع تاني”.. جملة اتقالت عن رامي وحيد، لكن الحقيقة طلعت مختلفة تمامًا!…………………
الفنان رامي وحيد، خرج عليه كلام وإشاعات أنه هاجر برا مصر وحلف أنه مش راجع تاني
و فوجئ بحد من أصحابه المخرجين بيتكلم معاه وبيقوله:”إنت فين؟ سمعت إنك هاجرت”
السؤال نفسه كان كفيل يفتح باب كبير من الكلام..هو فعلًا رامي وحيد قرر يسيب مصر ويستقر بره؟
رامي حسم الموضوع بنفسه، ورد من خلال منشور على حسابه على فيسبوك، وقال بمنتهى الوضوح:
“أنا مهاجرتش.. أنا بسافر أعمل شغل وبرجع على مصر.”… والسبب؟
إنه ببساطة مش قادر يتخيل نفسه بعيد عن بلده، مهما حصل ومهما كانت الظروف.
رامي أكد إن سفره مش معناه إنه قفل صفحة مصر أو قرر يعيش بعيد عنها، بالعكس.. هو بيسافر عشان شغله، لكن مصر بالنسبة له لسه البيت اللي بيرجع له.
والأهم بقى إنه قال إنه موجود ومستني الدور الحلو اللي يرجعه لجمهوره من جديد، ووجّه رسالة واضحة إنه لسه عنده رغبة في الشغل والعودة للساحة.
يعني الحكاية مش حكاية فنان هاجر وقرر يختفي..
دي حكاية فنان بيسافر عشان شغله.. لكن قلبه لسه هنا، ومستني الدور اللي يستاهل يرجع بيه.
رفعت للتصميم
