ناس بتغيب عن الشاشة لكن عمرها ما بتغيب عن قلوب الجمهور.
29 سنة مرت.. لكن في حكايات عمرها ما بتخلص، وفي ناس بتغيب عن الشاشة لكن عمرها ما بتغيب عن قلوب الجمهور.
منذ 29 عامًا، قررت الفنانة الكبيرة إيمان الطوخي تبتعد عن الأضواء، وتعتزل الحياة الفنية، وتختار لنفسها طريقًا بعيدًا عن الشهرة والكاميرات.
ومع مرور كل السنين دي، الجمهور ما نسيهاش.. بالعكس، كل فترة يرجع اسمها يتصدر من جديد، والناس تسأل: إيمان الطوخي فين؟ وإيه اللي خلاها تختفي كل السنين دي؟
ومؤخرًا، أسرتها قررت تكشف بعض التفاصيل عن حياتها بعيدًا عن الفن، وأكدت إنها ما زالت محبوبة وسط أهلها، وإنها عايشة حياتها بهدوء بعيد عن الضجة.
وكمان كشفوا إنها بتتمنى من جمهورها اللي لسه بيسأل عنها، إنه يفضل فاكرها بالحب والدعوات الحلوة.
يمكن إيمان الطوخي اختارت إنها تسيب الشهرة ورا ضهرها.. لكن الشهرة نفسها ما سابتش ذكراها.
من «يا قمر يا منور»، لأعمالها التلفزيونية والسينمائية اللي لسه عايشة في ذاكرة الناس، فضلت إيمان الطوخي حاضرة رغم الغياب.
29 سنة من الاختفاء.. لكن سؤال واحد لسه بيتكرر لحد النهارده: إيمان الطوخي.. وحشتينا، إمتى هتظهري تاني؟
رفعت للتصميم
