القدر يلعب لعبته مع العمر الشريف .. حكاية ولها العجب

القدر كان له دوركبير في وصول عمر الشريف لـ العالمية  ..

تعالوا معايا وانا هقولكم أزاي  .. “عُمر الشريف” لما كان بيمثل فيلم ( في بيتنا رجل ) اختلف مع المنتج عشان أعطاه أجر اقل من “رشدي أباظة” ..

الغريب إن الفيلم يعتبر بطولة “عُمر” بس إسم “رشدي” وقتها هو اللى كان هيجيب الجمهور .. “عُمر” ماكنش هيكمل وكان هينسحب خصوصًا إن تغيير أجره حصل بعد ما كان أتفق خلاص ..

 بس بعدها كمل تصوير الفيلم على مضض وكان بحسب كلامه في برنامج ( تجربتي ) مع ” طارق حبيب ” وبسبب الموقف السخيف ده كان في اقل درجات تركيزه وهو بيمثل .. 

وهما في نص التصوير للفيلم جه مصر المخرج الإنجليزي المعروف “ديفيد لين” في زيارة سريعة عشان يتفرج على الممثل المصري اللي إسمه “رشدي أباظة” ويختاره بطل لـ فيلم ( لورنس العرب ) بناءًا على ترشيحات ..

دخل يتفرج على تمثيل “رشدي” أثناء التصوير فيعجبه “عُمر” اللي كان بيمثل من غير نِفس وهو اللى يلفت نظره ويختاره هو بدل “رشدي” بطل لفيلم ( لورانس العرب ) ويبدأ من هنا مشوار “عُمر الشريف” في السينما العالمية !

وللقدر بالفعل حسابات أخرى  لايتخيلها بشر “كرم الله وعطائه أكبر بكثير مما نتخيل” 

من فيلم في بيتنا رجل