رغم اختلافنا ( بحن لك ).

رغم اختلافنا ( بحن لك ).

عبير الحناوي

رغم اختلافنا فى كل شئ

جوايا شئ بيحن لك !

بتشد ليك .. وبحس إنى بحتويك

أحضن عينيك .. جوايا حاجه بتشبهك

رغم انى أوقات بارفضك والرفض ..

نفس الرفض عاشق مجملك !

ازاى انا وانت كدا ؟

حتى فى خلافنا بنتفق !!

وازاى ليلاتى بنلتقى . . ولا مره واحده بنفترق !

لو دق صوتك فى السكون بيكون حنون ..

ولا عمرى بشعر بالقلق .. مطمنين قوى للسنين

متوحدين ..والدنيا أحزاب أو فرق

انا كلى شئ بيكملك

فى المنتهى .. أنا أولك …انا أولى بيك..

سمايا إنت وأرضى لك..

رغم اختلافنا ( بحن لك )

عبير الحناوي