نوفمبر 18, 2024الخاطرةيا شمس … الرئيسية رواد الأدب الخاطرة يا شمس … كلمات الشاعر عبد الرحيم على يا شمس … يا شمس يا مروُّحه بتجُر خطاويها نزلت دموعك مطر لون حُرقتك فيها دنيانا دنيا الأسىٰ شايفك بتبكيها دنيا البشر للبشر ضاعت معانيها صعبان عليكى الفراق والدمع فى عيونك لا بتكتمى الأشواق ولا قادره تخفيها يا شمس يا مروُّحه دمعك نزل على ألمَىّ غرق ما بين دمعتك نصّك ما باقى شَئ كان نفِس قلب الفتىٰ يمسك خُيوط الضى طلعت خيوط دايبة وقعت فى بحر غَويط دنيا الوداع شايبه ماسكه فى طرف الخيط ما شايفه إلا طشاش خَبط الفتىٰ فى الحيط والدنيا ضاربه طناش لا كان فى يوم حويط والضى راح ولا جاش يا شمس يا مروُّحه لسه النهار ما مِشاشى قَمرك ما بَطل حِكَىٰ عن عُمر عاشه بلاش يحكى وحكاه بيطول قلبه الحزين مكسور ماشافش شمس الضُحى ولا بنات الحُور عايش فى نار الضنا يبكى على روحه ما تطمنى روحه وبِثى فيه النور يا شمس ليل الأسىٰ جاى بجيوش الهَم لا كان فى يوم مننا ولا كان له خال ولا عم لا راعى يوم حزننا على اللى راح ولا جاش قالوا لا كان ولا عاش إلا حَسيس الدم يا شمس لِمّى الخيوط وإتمهلى شويه أكيد فى يوم هيفوت لسه السنين جايه دمعك يصَحى جِراح فى القلب مخفيه يا شمس ما تفارقيش خلى الظلام ما يجيش سيبى الصبايا تعيش وتغنى للمه كلمات الشاعر عبد الرحيم على Abdelrahimaly المقالة السابقة لا أعلم يا حُلمي ... المقالة التالية أعلنت لك حُبي ...
