خلوا الأمور سهلة

خلوا الأمور سهلة
الدنيا مش مستهلة
أخرتها متر و نص!

الموت علينا حق
تقدر تقول لى لأ؟!
تقدر تكدبنى؟!!!

طب ليه بنتصارع؟!
و ليه بنتسارع
و نخطف اللقمة
من بق أصحابها؟!!!

لما القطر يهدى
جهز نفسك تنزل
مش بمزاجك
هوه ميعادك
لا بيتقدم و لا يتأخر

و ف لحظة تفوت
و كإن ما كان
و تعيش ف الموت
فنموت أحزان!

مسامحينك
فسامحينك يا أطيب قلب
مصالحينك
فصالحينك يا نبع الحب

حبايب قلبك الطيب
نهارهم ليل و فاكرينك
بيوت الشعر و القافية
دموعهم سيل و عاوزينك

و سيرتك كلها بالخير
و بنكمل ف مشوارك
و بنردد ف أشعارك
و ندعيلك

بندعيلك ف عز الليل
تنام مرتاح و متطمن

كت طيب ذوق وديع
كان ودادك للجميع
يوم فراقك يوم فظيع

كت حاسس بالغلابة
اللى شحتوا ع الربابة
اللى عاشوا عمرهم
يعرفوا بس الطيابة

فرح التراب لما سمع
إنك خلاص رح تحضنه
و تعيش ف قلبه تزينه

مشيت خلاص و سيبتنا
كت الكبير يا عمنا
و كت شايل همنا
وحشتنا

كلمات الشاعر
أحمد الحمله

Ahmed El-Hamla