أنا العاشقة
وأنا المسكينة علي بابك
جوه عنيك بياض روحي
وجوه القلب ده مكانك.
ما أنا المغصوبة بالإكراه علي بُعدك
وأنا الموقوفة ب الأعراف سنين بَعدك
فقولي أزاي أكون عشقاك
و نفس الوقت موؤوده ف ضلام عِندك
ألّم الحسره تنهيده
من الحيطه دى للحيطه
ودمعه قلبي تسهيده تنور درب
فمتصليش ب الآهه
وتسجد عشق
ولا تمسح حكاوينا دي كانت صدق
وعيد الذكري من تاني بدمع القلب.
ح أقولك يومها أنه يجوز
يجوز اللي ما عمره يجوز
يجوز أعشق عذاب روحك
وجع وأنين
مانا العاشقه
عذاب روحي ليوم الدين
كلمات الشاعرة
هيومة حمزة
باكينام حمزه
