التجاوز إلى المحتوى
كلمات الشاعرة
عزه السعدنى
طب تعرفي …
حبى لقلب الليل وستاره الغميق
سهرى وعيونى بترسملك طريق
لمسة شعاع الشمس لخد النهار
ونزول دموع الشمع
لأجل ما قلبى يشوف
طله عيونك الحلوين
وخدود القمر
طب تعرفي
أنا عمرى بحلم نلتقي جوا أحلام الصبا
وفضلت احسبلك ساعات الإنتظار
يمكن تحنى على روحي بقى
وتقصرى بينا ساعات التفرقه
أنا واد بيحلم تقتله ساعه لقى
بعد ما يسكن الهوا بين الضلوع
يخرج زفير من أشواق الغرام
يحيى القوليب الغض
ويطيب جروحى
وترد فيا الروح من بعد الممات
رغم إختلاف الأمنيات
قلبى ركن ف محطتك
من عمرى واخد الثبات
عنوان طريقى لسكتك
كلمات الشاعرة
عزه السعدنى
