إسمي نسيته عا مطارح بعيدة …

كلمات الشاعرة

 سونيا بندلى

إسمي نسيته عا مطارح بعيدة 

ضايعة وعم فتش عا حالي 

ومدري كيف مرقت بهالدني 

ما لقيت غير دوشة

تلف فوق راسي 

والعمر كذبة 

ضاعت معها أحلامي 

والفكر زعلان 

يبرم عا أمل عطشان 

بركي بهيك الزمان 

بيقطف نتفة إيمان 

ويزرعها بقلب الإنسان 

محبة من الله الأكوان 

وإرجع أنا من ميل 

فتش عا اسمي الفلتان 

هونيك عا مطرح النسيان 

مخبأ بقرنة الزمان 

ناسي حاله بعجقة الأحلام 

يضحك ويبكي على هالإيام

ومتل شي كذبة يا عالم أنا وين ؟ 

كلمات الشاعرة

 سونيا بندلى

Sonia E. Bendaly