خسران اللي يضحك لها …
كلمات الشاعرة
وفاء يوسف
خسران اللي يضحك لها …
،،،،،،،،،،،،،،،،،
يا اللي بالدنيا متغطي
إحكي لنا حالك؟!
: عريان و الله يا اخوي
من يوم ما اتخلق آدم
لا السواد في الشعر باقي
و لا حتى الضحكة باقيالي
غير اللي اتعمل لله
و كانت نيتي صافية
رضى رب الوجود عني
و ارتاح في الحياة بالي
خسران اللي يضحك لها
و يعبيها في جيوبه
يعشق هواها و ضلها
و يبقى الخداع توبه
دا جيب الكفن مخروم
يا عيني على اصحابه
عليهم متدلدقة الدمعة
و ياريتهم من منظرة تابوا
حفرة وسط الأفاعي ب ينهشوا ف لحمه
من بعد عز و دفا
بين ماله و صحبته و أهله
كسبان مين يشتري الأخرة
و يرمي الدنيا ورا ضهره
كلمات الشاعرة
وفاء يوسف
رفعت للتصميم
