اتا شئ …

كلمات الشاعرة 

هدى مشاق

اتا شئ ..

 لكن من 1000شئ 

انا حرف من سطر ف طريق

 حلمي البرئ ..حاضن رصيف 

جلدي النضيف ..

 بيلوثه رعب الشوارع

مين فينا بارع في الصمود ضد الوجع

  قدي انا ..

عايش حياة بطعم الغرق

انسان أرق من الورق ..

ضعيف وهش

انا حلم اصله ما اكتملش

فوق أرض واقع صنفوني (المحتمل)

عايش ومقتول بالامل

جنسي الهلامي خيال اصم

عمري اللي جوايا اتقسم 

فصبحت كائن لم يكن

  او مش مهم

جلاد بزيف الرحمة ف عيون البشر

جالد شعوري بالفزع 

وبطبعي واخد ع الوجع 

يا وقت رافض تنتهي 

امتى احس..

 بإني صاحب دنيا عايش دنيتي 

مش زي ضيف

 احساس مخيف ..

تفاصيل ملامحي المؤلمة المتنسمة بروح الربيع

  نزفت خريف ..

كلمات الشاعرة 

هدى مشاق