تغيـرنـا …
بقلم الشاعر … عباس ابو عادل
تغيـرنـاااا …
غويط اخطار
ما مدروك بالأثمان
الخـازن درر مو جوفه
موج البحر . بـس الزبـد بجروفه
.
الفاهي افعال
فارغ سنبل الميزان
غـاوي هـايم بظل خوفـه
كثيـر القول بـان الخطـأ بحروفه
.
منين يطول .. ؟
يحسبها ويرد خسران
ظل يبنـي ويهدم بطوفه
لَجّ اطبـاع كَـرّ أضعـاف مصروفه
.
باع اللاش
تمثيل وبطر جوعان
دميم بغيّ افعاله ملفوفه
سمين اطماع مُرّ مذموم معروفه
.
ردّ الغيم
حط الشمس بالبيبان
الحبل ممدود من صوفه
غرور الـ آنـا مـا مدروك بي روفه
.
فعِل مو بالوصف خيلي لجم تاك
بـعظيم الدرر من عوزي لَجم تاك
يـ دولابـك يفُـر محنـي لِجـم تاك
اللجمك بيش .؟ وانت بلا هوية.
..
. بقلم الشاعر …
. عباس ابو عادل
. العــ🇮🇶ــراق
