يا بخت مين فاتها
،،،،،،،،،،،،،،،،،،،
إن تاهت روحك
خلي بوصلتك عقلك
إبتدي م الأول
و خلي الأمل في الله
طول الحياة صاحبك
إياك في يوم تنساه
اليأس يردح لك
راعي ميزان العدل
اوعاك تميل عنه
تاكل لحوم البشر
يشهد عليك دمه
و لما الميزان يتنصب
يا فرحة المظلوم
و امه ،،،،،
لما الحقوق تترد
و تتعدل الموازين
دي الحياة مباراة
و فصولها متعادة
يا بخت مين فاتها
و كانت قهوته سادة
فان جرحك شوكها
أصبر دا كله خير
ربك هيفرجها
ليلك هيبقى نهار
و ف آخر المشوار
تبقى من الفايزين
كلمات الشاعرة
وفاء يوسف
