التجاوز إلى المحتوى
بقلم الشاعره … إيمان سعيد
(صرخة مكسور)
الوجع متداري وراء ضحكة
و الدموع جوانا مستخبية
سندنا روحنا و جوانا قهرة
كنا أمان لنفسنا و جوه القلب كسرة
اتمنينا الحب يقوينا
طلع الحب مش سكتنا
جربنا و انجرحنا
اكتشفنا الحزن طريقنا
رجعنا من مكان ما بدأنا
الوحدة صحبتنا
و رسمنا القوة و الضحكة على وشوشنا
اللي جوانا كسور و شروخ شوهت طيبتنا
كل حاجة حوالينا هزمتنا
كنا النور للكل و احنا انطفت شمعتنا
لما جينا نميُل على غيرنا
هرب و ألف حجة صبرتنا
يا خسارة مات الحب و مش بأيدنا
بقلم الشاعره … إيمان سعيد
