( حمدلله ع السلامه )
القلب مصري
والنبض فلسطيني
حمدلله ع السلامه
ياجاى م المعتقل
على وشك ابتسامه
بتقول انك بطل
حمدلله ع السلامة
للي إتحمل كتير
علشان تفرح بلاده
يوم النصر الكبير
والنصر اكيد قريب
ف القدس ح نحتفل
حمدلله ع السلامة
تحيا بلدنا فلسطين
كل مافيها رجاله
وسلاحهم عزم ودين
واقفين وقفة رجاله
دايما مهما حصل
حمدلله ع السلامه
ياأقوى من التعذيب
ياما إتحملتوا ياما
وايمانكم كان طبيب
رافعين راية بلدكم
ثابتين زي الجبل
كلمات
الشاعر أحمد التبيني
