صباح الفول
مافيش غيره بديل بروتين
صباح الفل لاخواتي
صباح ياسمين
صباح الزفت ع البعدا
اللي مش حاسين
يجيلهم شوطة جماعية
قولولي آمين
صباح الفول ع الفقرا
بفحل بصل وطعمية
وضحكة بغلب مرسومة
ودمعة حزن مخفية
صباح يرسم أمل كداب
وحزن مغطي عتبة باب
وتوب شقيان وطبعا داب
وناس ف الدنيا منسية
بتحلم يوم تدوق الفول
وعدس اصفر بتقلية
ولا شافت ف مرة بانيه
ولا شربت ياخلق لاتيه
ولا تفهمش دايما ليه
قتيلها كمان مالوش دية
صباح الفول ولو يخلص
هتبقى إبادة جماعية
كلمات الشاعرة
وفاء على
