كأني ف حلم باتمشى …
كلمات الشاعرة
شريفة السيد
كأني ف حلم باتمشى
لقيت الأرض تحتي اتنين
.
طريق انا فيه مضيء جدا
لكن شوفته انقسم نصين..!!
.
وفجأة باطير لفوق خالص
وشايفة عالمي عالمين.
.
غريبة العالم التاني
كأني عشت فيه مرة… ؟!!
.
بيشبهني ف حاجات وحاجات
وحتى في ضلمته المُرة..!
.
كأني غريب، لوحدي فيه
وشايفه نفسي من برة
زحام وسراب وشيء غامض
ومش لاقية لآخره حدود
.
طريق اطول من العادي
ويمكن آخره كان مسدود ؟
.
وفين أهلي، وفين قلبي ؟
معايا ولا مش موجود..؟
هواه واقف مافيش نسمه
ولا عصافير ولا خضرة
.
وفوق …النور ملا عيني
وتحت كأني مش حُرة
.
ولا مسجد ولا كنيسة
ما حد يفك لي الشفرة ؟
كلمات الشاعرة
شريفة السيد
رفعت للتصميم
