كلمات
الشاعرالغنائى طه علي الدين
مش لازم تعجب كل الناس
ماهى مش كل الناس عجباك
و احمد ربك ع الإحساس
لما تلاقى ناس مش حساك
إياك تحزن ع اللى يسيبك
بكره مسيره هيجرى وراك
زيد جواك إصرار و عزيمه
كل ما يأسك يتحداك
ياما ناس ضحكتها لئيمة
و انت فاكرها إنها وياك
و ناس فى نظرك مالهاش قيمه
و جايز هى اللى بتهواك
أصل الناس دى زى السيما
خلص العرض خلاص تنساك.
كلمات
الشاعرالغنائى طه علي الدين
