كلمات
الشاعره مرفت موافي
كنت فاهمة قصدك انتي
وان انا جريت دموعك
انتي فاكرة اني هاخده
ومش هيبقي تاني طوعك
عمري ما اتمنيته مرة
وكنت شايفة حياته مرة
وكنت ماسكة معاه قلوعك
ياما قرب مني يشكي
وحدته ف بعاد جنابك
وكتر الحاحي عليه
هو ده بس اللي جابك
كان بيشكي طبع امه
وابوه بيتلذذ عذابك
واخواته الليي عايزة تنهش
غربته وتفنيش حسابك
كنت عارفة كل حاجة
وبستمع له عشانك انتي
وانك دفعتي كل حاجة
واتحملتيهم عشان عشقتي
ومش انا اللي تاخده منك
حتي لو راضية وسكتي
صوتك الموجوع وجعني
وانتي بتحكي كلام كتير
يعني قلبي الكبير دا يعني
كان فاهم الموضوع كبير
ذنبي ايه لو كان يهدد
بزوجة تانية في الطريق
ذنبي اني كنت منقذ
عالشط بيسحب دا الغريق
لكن عمري ما كنت نار
ولا جاية انفخ في الحريق
كنت بحبك من حكايته
وكنت دايما ليه مرايته
وبرشده لاول طريق
لازم ابعد عن حياته
لان صدري بدأ يضيق
وسامحيني لو قربي منك
لبسك احساس خنيق
قربي منه عواطفك
خليكي جميلة شايفك
والكلمة مابين شفايفك
بلسم يبل الريق
اما انا سامحيني هبعد
واختفي في اخر الطريق
كلمات مرفت موافي
ديوان نفسي اعيش
ماتزعليش
كلمات
الشاعره مرفت موافي
Discussion about this post