كلمات الشاعرة
رانيا يوسف
( دنيا زايلة )
دنيا زايلة بنجري فيها..
ليه نحارب.. ليه عليها؟!
مين هيبقى مكانُه بيننا؟!
مين مُخَلَّد بس فيها؟!
*******
بكرة جاي لسه فكرة
والنهاردا هيبقى ذكرى
يبقى مش مستاهلة نزعل
أو نفكر فيك يا بكرة!!
*******
عيشها عادي وببساطة
ضحكتك وسط الصحاب
تكسر الحزن اللي عيشته
ينهزم بيها العذاب!!
*******
أيوا عارفة إني بَحْلَم
لما اقول إضحَكْ وعانِد؛؛
أصل هيَّ مش هتفرِق
لو بكينا في الشدايد!!
*******
مُش بقولَّك: كون مُسالِم؛
بس عاوزة تكون عنيد!!
لو ضِعِفت ف مرة لازم..
تقوى تاني من جديد!
*******
وانتِ مالِكْ بسْ يا اختي؟!
اتقَلَبْتِ فجأة هِندي؟!!
عاندي.. عاندي.. واستمري
إيه هتاخدي غير نصيبِكْ؟!
بس يا اختي.. بس يا اختي!!
كلمات الشاعرة
رانيا يوسف
