« منها ما تبنا » للشاعرة وفاء يوسف
كلمات الشاعرة
وفاء يوسف
منها ما تبنا
،،،،،،،،،،،،،،،،،،،
ما بين ضحكة و بين دمعة
قلوب بتوزع الذكرى
تتعكر و تتصافى
و توصل دايرة الأحلام ،،،
و اهي دنيا و ماشية الحياة فيها
تاخدها ف لحظة بالأحضان
قلوب مجروحة تشفيها
و ترجع من تاني تجرحها
و فيها تشمت الأيام ،،،
غريبة الدنيا في طباعها
جريئة و قادرة في خداعها
خاينة حتى في ودادها
في وصالها و في عنادها
أخضر توبها من برة
من جوا موجة بتكسر
قلوب ياما كانت تايهه
و اهي أيام ،،،،
متعادة و متفاته
مهما العمر اتفرط منا
بنحلف إننا تبنا
و منها الدنيا ما تبنا
لو شاب الورد و اتحسر
طاحونة و دايرة من يومها
بترسم ع الخدود دمعة
و تبدل الأدوار ،،،
كلمات الشاعرة
وفاء يوسف
