« من عزم شوقي » للشاعرة هالة جاب الله
كلمات الشاعرة
هالة جاب الله
من عزم شوقي
لحضنك المليان شجن
خطيت بيبان الملحمه
وشبكت روحي بوهم خالي م الحياه
جعلني في عيون القصيده بتوجع
واترجى يحييني لقاه
على جذع واهي
صلبت شوقي بدون أمل
ف كنت صوت
من وحي روحي المفعمة
بنزوه وشرود
تاهت حروفي في أرض بور
وتهت منى
فى يوم لقاك
طب ليه مسبتش روحي فيك
نبض قلبى يحرسك
أنا كنت ف حدودك حاميك
لملمت فيه بقايا روحي
عملتلك جنه حنين
ونبض قلبي
يضخ ف وريدك امل
يا نور ونار
الوصل بالغ منتهاه
والشوق ذنوب
تغسلها رعشه شهقتك
لو قولت اه
وسمعتها وانت معايا
صورتك فى قلبى
مش زى صورتك فى المرايا
ف ليه فطمت القلب
ع الشجره اللعينه
وخرجنا م الجنه عرايا
كلمات الشاعرة
هالة جاب الله
Hala Refaat Gaballah
