التجاوز إلى المحتوى
بقلم الشاعرة … منى البابوري
يا اوجاع قلبي..
يا اوجاع قلبي قداش لازمك ضميدة
و قداش من طبيب باش يخيط جراحك
و قداش يلزمك وقت باش تنسي التنهيدة
و ترجعي للضحكة و تستمتعي بأفراحك
يا اوجاع قلبي حني علي وحيدة وحيدة
راني جديدة في درب الحزن ما نجمته
ما ننكر الي تعدوا علي لحظات سعيدة
لكن ما غطت و ما كفت الحزن الي تحملته
يا اوجاع قلبي قداش لازمك ترميم
للي تصحي من الوجع و تذوبي في الحين
غير ترتاحي انت و لا يهمك في سين و جيم
و الي كاتب نعيشوه و لازم تشوفه العين
يا اوجاع قلبي كوني شامخة و قوية
و اخطيه القلب الي ما ضرك في حياتك
كيما عشتي سنين و تربعتي في
اليوم لازمك رحيل يليق بخطواتك
بقلم الشاعرة … منى البابوري
