التجاوز إلى المحتوى
اتقي ربنا فيه ..!!
بقلم الشاعرة والأديبة
رشا رجب
ليه ياابنى تقول كلمة تزعل ابوك
دة انت من غيره الناس ولا كانوا يعبروك
انت عايش فى الدنيا بسيرته الطيبة
اللى بيها الناس بتفتكره الغريبة والقريبة
افتكر انه ياما شال عنك هموم
ولما كنت تتعب كان هو مايعرف طعم النوم
افتكر فرحته بيك لحظة ولادتك
وقال لنفسه خلاص جالك السند يابختك
مكانش يعرف انه السند ممكن يكون لحزنه سبب
وانه يطلع منه كلمه تجرح قلب ابوه
اللى حرم نفسه من كل حاجة وكل طلب
وبداه عن نفسه وخلاه هو صاحبه واخوه
ليه بس ياابنى دة انت ربنا كارمك بوجوده
احمد ربنا انك عايش فى حضنه ومتدفى بيه
وصونه فوق دماغك واتقى ربنا فيه
