التجاوز إلى المحتوى
بقلم الشاعرة … باكينام حمزه
الأفيش …
…………..
تتر النهايه أنكتب …
قبل الأفيش مايشق جوف الإعلانات…
قبل الزينات …قبل الرايات
قبل أما نقرا الفاتحة علي العرض .. القديم
طب ليه حزين.
الحزن مش لبس السواد
الحزن تلبيس الآهات
وستاره غامقه مهدله تنزل علي عرش السكات
ما الكون فوات !
وعيون تلملم ذكريات
تتحدي جماهير الكلام ..
علي مسرح القلب الحزين
مين اللي قال :
إن السيناريو الحالي ينفع للي جاي
وأن الديكور لايق علي شكل الحضور….
ويناسب الدمعة اللي جًرحَت العيون….
ده الرمش سارح ف الظلام يتحدي وخزات الجفون
يتحدي نور يطلع بنور
راهن على القلب اللي بات مفتور
ما التتر مش جامع حكايه وقول
ولا البرومو فيه صور … وكل أسماء النجوم !!
ياريت بقي نبطل هجوم
تتر البدايه …كان سعيد
تتر النهايه .. أنكتب بأسم الشهيد …!!
كلمات الشاعرة
هيومة حمزة
باكينام حمزه
