التجاوز إلى المحتوى
كلمات الشاعر
سامح السبكى
مشوار طويل قصة أمل قصة طموح
مشروع كفاح وسط الظلام
والصوت ضعيف مكتوم ياناس منبوح
مكسور ذليل بنواح في الدنيا م الآلام
ملقاش وسيط ينصفه وسط اللئام
عافر لحلمه لجل يطلع من جحوره
ويلقى نوره وصوته يطلع للزحام
قمة وجع حظه التعيس الناس نيام
قال فقر ياما الحظ كان محتاج علام
وأنا للأسف محكوم عليا والحكم بالإعدام
ولو أني مقطوع النفس مباقيش كلام
كان نفسي لما يقولولى .. نفسك ف إيه ارد
وأنا كنت أقول يامايا ميت مليون سلام
على قبري بس ياريت تفوتيلي ورد
بِمسك عطرك واحضنيني وحسسيني بالسلام
دقي الطبول والزمر
من باب حارتنا لحد بيتنا تزينيلي الدنيا نور
ومتلبسيش لـ سود عليا أنا مت لكن فيا روح
وأنا بوعدك مع كل فجر هتلتقيني في المنام
كلمات الشاعر
سامح السبكى
Samh Elsopky
