كلمات الشاعر 

حمدان حلمي

اللي وعيونه والشجن 

مهوش ابنها ..

ولا قلبي يعرف عنه غير

إنه اللي جاي يجرّها 

من طوق جلابيتها الضعيف

بقى ضد بنت الشمس

ضليل عدلها وملهوش يمين 

نكّل بشوفها ورش نار 

على قلبها ..

اللي وعيونه والشجن

طيّبت له المقامات رؤى

حضرة خضار الأمنيات

والروح في يوسف سنبلت

صلت صلاة ..

السمسمية الشرق وقوليب الكمان

والحظ الاسمر في وشوش الموعودين

بالضي وموسيقى السما ذنوب عشقهم

دمعات وبتنبّت سحاب 

كما دمعتي .. اليوسفية في الكتاب

وانا مش كتاب ..

للي مهواش ابنها

ولا للي خان يوسف وأحلامه

السبيل 

للنور في صدرك يا حسين 

اللي اليزيد لو قتله 

كان مات المطر 

اللي بيغسل في قلوب العاشقين

زيي أنا وقصيدتي والنيل الجريح !!!

كلمات الشاعر 

حمدان حلمي