التجاوز إلى المحتوى
كلمات الشاعر
حامد شريفه
………….(( ستي ))……..
يللي غلبتي الزمن
يا امه بتجاعيدك
ودفعتي أغلى تمن
والله ……حيفيدك
ربك كريم يستحي
يعذب ……الشيبه
شابت كمان مسلمه
بأفخر أنا حفيدك
١٠٨ سنه بقول انا اتخطفت
شفنا معاها الهنا
بالحب دي إتعرفت
وكل أهل البلد
عارفين كراماتها
كانت تصوم العام
وتحج بيت الله
من غير تعب ولا سفر
جالها رسول الله
عايش أنا بالرضى
والدعوه ممدوده
لحد أخر المدى
مستور فى دنيانا
علشان عاصرت المحبه
والرحمه فى وجودك
يللي ..غلبتي. الزمن
ياستي …..بتجاعيدك
كلمات الشاعر
حامد شريفه
