التجاوز إلى المحتوى
كلمات الشاعرة
قوت القلوب
ترنيمات كروان …
——————-
هموم الدنيا صاحبتني
وحلفت جوه حضني تبات
شربت المر طول عمري
وكنت باقول عليه شربات
بقيت عايشه كما الأموات
ورغم دا كله فارده الإيد
براح مسند يساعي الكل
بقيت يمكن شجر صفصاف
ف وقت الصهد يحدف ضل
بقيت دايما هلال بيهل
عشان يعلن قدوم العيد
أخبي الحزن جوايا
واكون للكل فرح جديد
واعبي الدمع جوه وريد
عشان يتداري عند القلب
بقيت أرفي الشروخ ف الروح
وانا ماشيه الطريق الصعب
أقع ف الخطوه ميت مره
واحاول كل مره واشب
م انا القلب اللي عاش بالحب
وسال دمه ف كل طريق
وانا الدمعه اللي بلت ريق
وكانت مالحه م الأشجان
وانا العايشه علي التسابيح
ف قلبي ترنيمات كروان
مشيت وسط البشر أفراح
لقيت كل البشر أحزان
وعشت العمر مش لاقيه
ف دنيا الناس..
ولا إنسان.
كلمات الشاعرة
قوت القلوب
Kout Elkloub
