التجاوز إلى المحتوى
كلمات الشاعر
المهندس … إسماعيل منصور
مكتوب علي حلمي الإنتحار …
** هو صحيح
مكتوب علي حلمي دائما” الإنتحار
وعمره .. ما يطلع عليه في مرة النهار
مكتوب عليا أكون كفيف
أعيش الضلمة في وضح النهار
** في يوم
تحت نور الشمس
ولعت شمعة
بيها أشوف الفرق
بين الليل والنهار
عيني
ما شافت غيرها
ما شافت الشمس
ولا عرفت لون النهار
**بيقولوا
مكتوب عليا الإنتظار
لحد يوم
فيه الحلم يعرف طريق الإنتصار
ساعتها
يلمع في عيني نور النهار
وعيني تشوف الشمس
تحيا معاها
وتعرف لون النهار
** مشيت فرحان
وحلمت بالشمس
ولون النهار
** وفجأة
صحيت من الحلم
وتاني
شوفت الضلمة في بداية النهار
** وكأنه
مكتوب علي حلمي الإنتحار
كلمات الشاعر
المهندس … إسماعيل منصور
