التجاوز إلى المحتوى
كلمات
الشاعرة … يامنه اليمنى
صباحك غير …
ــــــــــــــــــــــ
صباح الخير ومن بدرى
صباحك فل وبيسرى
عارف أراضيه
ونور م الجنه متوضى
وجاى يناديه
وراسم ضحكه بتنور
جبين شمسه
وأسمع همسه بيقول لك
صباح أجمل وانتِ فيه
صباح نرجس يلاغيكى
يبوس ايديكى وعنيكى
تقومى بلهفة المشتاق
تلاغي النسمة بين أياديه ف يتبغدد
صباح عصافير وبتغرد على لحنك
صباح نيلك مع نيخلك
فى وقت الفجر يدعى لك بصوت كروان
صباحك رزق م الحنَّان
صباح فلاح وماسك فاس
ورايح يسعى على رزقه مابين الناس
وزارع صبر فى ويده
وزاده التقوى هى أساس
صباح ألماس أنا بهديه
على الجندى اللى صان أراضيه
ولا همه قطار العمر انه يفوت
ولا هابشِ فى مرة الموت
ورامى تكاله على المولى
يقول بلدى بدماى أولى
وروحه هايمه فى الملكوت
صباح الخير على عامل
يراعى ضميرة ف المهنة
برغم ظروفة والمِحنه
مافكرشِ يخون عمله يمد ايديه
على معلم بيزرع عِلم ف ولادنا
ونحصد خير يوصلهم لبر آمان
صباحك حب يابلدى
ياأغلى هدية م الرحمن
كلمات
الشاعرة … يامنه اليمنى
