مايو 24, 2023الخاطرةمن سابع دور … الرئيسية رواد الأدب الخاطرة من سابع دور … من سابع دور =========== كلمات الشاعرة چيهان أحمد النجار إداها مفاتيح أفكاره ومشاعر قلبه واسراره ونسجها قصيدة في أشعاره وأخد بإيديها بحنية من تحت الأرض لسابع دور في الهوا ……والنور عوضها وكان أحلى هدية وكلامه كان شمس وميه تسكر من صوته ومسطولة وكأنها لسه في سنة أولي لابتعرف تقرا ولا بتكتب لكن …. في الأشواق مجنونة بتحبه كأنها من يوليو وبتحلم ببرودة طوبة نفسها تتلخبط ……. ملامحهاع الدنيا الله يسامحها وتعيش بتحب ومحبوبة تلميذة وحلوة وقمورة نفسها في بشوره وسبورة علشان ترسمه على أحلامها فتفسر بكلامها الصورة وبدون إنذار الوش اندار ورماها الحظ من الصورة من سابع دور……. بلية …..بتدحرج وبتجري من سور على سور وقعت في الحفرة المحظورة والكل يدوس فضلت …..تتسحب وتحاول من بين الناس وتداري الجرح المتعور…… وتلم أنين ماهو كان الأسد اللي يروض كل التعابين أتاريه بيلف ويقرصها …. .من حين …وار حين مع انه الحرس اللي حارسها….. واقف على بابها بكام شومة وفى يوم الدفنة المشؤمة كان أول صف . كلمات الشاعرة چيهان أحمد النجار المقالة السابقة لحظةُ التَجَلِّي ... المقالة التالية تَمَعَّــنْ و حَدّقْ مليــًّا فهلْ ...
