مايو 21, 2023التقليديولاد حرام … الرئيسية رواد الشعر التقليدي ولاد حرام … …….ولاد حرام……… بقلم الشاعر … عماد شكرى حجازى انا كده خلاص فهمت العمر قاصر عن الكلام والفهم معدوم القيام كنت واحد منكم يوم ما الايد عطت قرش الحمام واليوم اتبدلت ادوار وجودنا أصبحت كهل استنى الكرام الخوف ملاني من الاوان ونكران جميل ولادي كل لحظه في الخيام مستور يا ابني عشت أشقى عليك واتلقى من الصغير والكبير مر الكلام وغصب عني اتحمل واقول معلهش بكره تكبر وتعوض ظهري المقسوم نضال لقمة العيش الصعيبه بغددت علينا بهوات زمان والدمعه فرت من عيوني مغلوب على امري اطبطب على القريب والغريب واللي نافذ سهمه جوه صدر الانتقام خلاص مفارق والطريق حادف لقبري رسالات مغادر عن طريقكم امتنان عارف حكايتي كنت واقف بين عيونكم شخص داير في المقام ع الساقيه بانهج اللف فات مليون سلام والظهر قطمه الحمل أتقل من الركام عطشان لمايه تروي ظمأي المنصوب جوه روحي ميدان كبير من الحرمان هتموت يابويا ياريتك عرفت خاتمة طريقك والكلام والبكى عليك هيصبح يوم والتاني وبعدين عليك السلام هنفتكرك ممكن بس ونبي ماتكترش الكلام وتلت في الموضوع وتعتب علينا احنا مش فاضيين خلاص هتموت يابويا وهندعيلك واجب علينا والقبر لو روحنا ندفن بعدك حد لازم نعدي ونرمي عليك السلام ما انتا كنت بالنسبالنا ظهر وانجبر التمام ربك كريم يرحمك هو احن عليك مننا إحنا زمنا مش مخليلنا إختيار القسمه ضيق وخطف رزق من كل جحر أو طريق يمكن نوفي عيشة السقام الحلو غادر والسبيل مر علقم والكلام ماعلهوش الملام القصه رحله والكتاب صفحاته عتمه ماتعرفش غير الظلام واوعى ظنك يقولك دول كانوا ولاد حرام بقلم الشاعر … عماد شكري حجازي الخميس 18/5/2023 المقالة السابقة شَرَفٌ ... المقالة التالية خيبة عابرة ...
