« بتعافر » للشاعر طه على الدين

( بتعافر )

. كلمات الشاعرالغنائى…

طه علي الدين

و تقضى العمر بتعافر

بعين مؤمن و عين كافر

مآمن بالرضا و نفسك

تعيشلك مره من نفسك

ما بين أملك و بين يأسك

بتقضى الحياه حيران

و لا محسوب على الفايقين

و لا باين عليك سكران

عايشها جنان

بتضحك لجل تتمطن

إنك بس لسه فلان

و تسكت و انت متألم

بتتأوه من الحرمان

و تتأمل فى حال الناس

ما بين مهووس و بين عاقل

و بين منحوس و متفائل

و ناس دايسه ناس بتدوس

ضحايا نفوس

ف تشوف الحياه غابه

ووحوشها احنا و ديابه

و عشان النفس كدابه

بيظلم جهلنا الإنسان!.

. كلمات

الشاعرالغنائى طه علي الدين